БҚО дене шынықтыру және спорт басқармасының басшысы Алина Ажғалиеваны қабылдады
Сурет: БҚО дене шынықтыру және спорт басқармасы
Еске салсақ, Алина Польшаның Гданьск қаласында өткен шорт-тректен жасөспірімдер арасындағы әлем чемпионатында 1500 метр қашықтыққа жарысудан финалға шығып, мәреге екінші болып келген болатын.
Сурет: БҚО дене шынықтыру және спорт басқармасы
Басқарма басшысы Алинаны тарихи жеңісімен құттықтап, алдағы қатысатын дүбірлі додаларда да топ жаруына тілегін білдірді.
Сурет: БҚО дене шынықтыру және спорт басқармасы
Кездесу соңында Алинаға сыйлық табыс етілді.
Сурет: БҚО дене шынықтыру және спорт басқармасы
Ажғалиева Алина – қысқы спорт түрлері бойынша облыстық балалар-жасөспірімдер спорт мектебінің шорт-трек бөлімінде 4 жылғы спорттық жетілдіру тобының спортшысы, халықаралық дәрежедегі спорт шебері. Батыс Қазақстан инновациялық-технологиялық университетінің ІІ-курс студенті.
Жетістіктері:
- Шорт-тректен жасөспірімдер, жастар, ересектер арасындағы Қазақстан Республикасы Чемпионаттарының бірнеше дүркін чемпионы;
- 2019 жылы "Дети Азии" халықаралық ойындарында ІІІ-орын;
- 2023 жылы Дүниежүзілік универсиадада ІІІ-орын;
- 2023 жылы Әлем Кубогының кезеңінде ІІ-орын;
- 2023 жылы Қазақстан Республикасының IV Қысқы жастар ойындарында І-орын.
- 2024 жылы ақпанда Әлем Кубогының кезеңінде ІІІ-орын;
- 2024 жылы Жасөспірімдер арасында Әлем чемпионатында ІІІ-орын иеленді.
