Шетелде өндірілген айраннан МемСТ-қа сәйкес келмейтін көптеген факті анықталды
Сурет: pixabay
Қара-Балта қаласындағы Қырғыз Республикасының "Жайыл милк" ЖШС өндірген салмағы 920 грамм, майдың массалық үлесі 3,2 % "Белая река" айраны Қызылорда олысы бойынша Қазақстан Республикасы Денсаулық сақтау министрлігі Санитарлық- эпидемиологиялық бақылау комитеті "Ұлттық сараптама орталығы" ШЖҚ РМК филиалына сараптамаға жолданды.
Өнім тұтынушылардың Қызылорда облысында сатылатын тауарлар, олардың қауіпсіздігі мен сапасы, сонымен қатар сатушылар (дайындаушылар) туралы ақпарат алу құқығын қамтамасыз ету бойынша әлеуметтік жобаны жүзеге асыру мақсатында сатылып алынды. Айранның Кеден одағының "Сүт және сүт өнімдерінің қауіпсіздігі туралы" 033/2013 және "Сүт және сүтөнімдері. Жалғандығынанықтаужәне табу" 2152-2014 техникалық регламенттеріне сәйкестігі тексерілді. Сондай- ақ "Өсімдік майлары және жануарлар майлары. Май қышқылдарының метил эфирлерін алу" МемСТ 31665-2012 сәйкестігіне зерттеу жүргізілді.
"Азық-түлік өнімдерін бұрмалау – бұл қаржылық пайда табу мақсатында, сондай-ақ азық-түлік өнімдерінің сапасы мен құрамына қатысты тұтынушыларды алдауда саналы түрде жасалған әрекет. Басқаша айтқанда, өндіруші өнімнің сипаттамалары туралы жалған ақпарат береді. Тұтынушы белгілі бір өнімді сатып алғанда, ол әрқашан өз бетінше оның жалғандығын анықтай алмайды. Сүт немесе ашытылған сүт өнімдерін мысалға ала отырып, әрбір тұтынушы өндірушінің сүт майын өсімдік майымен алмастырғанын да сезе алмайды. Көбінесе бұл зертханалық зерттеулер арқылы анықталады. Бірақ тұтынушы өнім туралы сенімді ақпаратты білуі керек, өйткені өнімнің жалғандығы немесе өнім туралы жалған ақпарат беру денсаулыққа елеулі зиян келтіруі мүмкін", – дейді тұтынушылар құқықтарын қорғау саласындағы сарапшы Жанна Биятан.
Сурет: Жанна Биятан
Ұлттық сараптама орталығының мамандары қышқылдардың кейбір түрлері бойынша артық бағаланған көрсеткіштерді анықтады. Мысалы, тамақ өнімдерін зерттеу хаттамасына сәйкес №1240011003563875 миристин қышқылының концентрациясы 14,08, норманың жоғарғы шегі 13,0% болды. Кефирдегі бұл қышқылдың шамадан тыс жоғары деңгейі сүт майын өсімдік майымен алмастырумен байланысты өнімнің жалғандығын көрсетуі мүмкін.
Сүт өнімдерінде пальмитин қышқылының жоғарғы шегі 33% құрайды. Ал зертханаға тапсырылған үлгіде бұл қышқылдың концентрациясы 35,87% құрады. Сарапшылар сүт өнімдеріндегі май қышқылдарының мөлшері әртүрлі: сақтау және өңдеудің температуралық жағдайлары, өнімді сақтау уақыты, сүт қышқылының мөлшері сияқты факторлардың әсерінен өзгеруі мүмкіндігін атап өтті. Бұл өзгерістер өнімде өсімдік майларының болуын және фальсификация фактісін де көрсетуі мүмкін.
"Сүт майының май қышқылдылығы сүтті жинау маусымына, малдың тұқымына, рационына және өнімді өндіру технологиясына байланысты да өзгеруі мүмкін. Мысалы, стеарин қышқылының шамадан тыс жоғарылауы – өнімді зертханалық тексеру кезінде анықталды – бұл малды ұстау жағдайының өзгеруін көрсетіп, әрқашан жалғандықты растай бермейді", – дейді сарапшы.
Өнімдегі олеин қышқылының концентрациясы 4 есеге жуық төмендетілген. Мұндай көрсеткіш өндіріс технологиясының бұзылғанын және бұрмаланғанын көрсетуі мүмкін.
Сонымен қатар, табиғи сүт майлары өсімдік майларымен ауыстырылған кезде сүт өнімдерін бұрмалау жағдайында олеин мен миристин қышқылының бағаланбаған арақатынасы орын алатыны анық. Бұл да зерттеу барысында анықталды.
Бұл материалды әлеуметтік жобаның орындаушысы – "Маңғыстау облыстық тұтынушылардың құқықтарын қорғау қоғамы" қоғамдық бірлестігі дайындаған.
Тауарлардың (жұмыстардың, қызметтердің) сапасына қатысты жүргізілген зерттеулердің нәтижелері туралы "MOТҚҚҚ" ҚБ тарататын ақпараттар жарнама болып табылмайды және тұтынушылардың құқықтары мен заңды мүдделерін іске асыруға ықпал етеді.
Егер сіз осындай бұзушылықтары бар өнімді сатып алсаңыз, 87054222739 байланыс нөміріне немесе Instagram-дағы OZPP.KZ парақшасына хабарласуға болады.
