ҚазҰУ ғалымдары ежелгі ит тұқымдарының деректер базасын құрды

2023 жылы 20 қаңтарында Мемлекет басшысы Қасым-Жомарт Тоқаев ҚР-дың кейбір заңнамалық актілеріне қазақтың ит тұқымдарын сақтау және өсімін молайту мәселелері бойынша өзгерістер мен толықтырулар енгізу туралы Заңға қол қойды. Соның негізінде арнайы база құрылды, деп хабарлайды Zakon.kz.

ҚР Ғылым және жоғары білім министрлігі баспасөз қызметінің хабарлауынша, бұл жөнінде Президент "Құмай тазы – ерекше жануар, қазақтың жеті қазынасының бір" деп атап өткен.

"Біз тазы мен төбетті халықаралық деңгейде кеңірек дәріптеуіміз керек. Сыртқы істер министрлігі де міндетті түрде атсалысуы қажет. Тазыға ерекше күтім, қамқорлық керек. Бұл маңызды іс кәсібилікті талап етеді. Сол үшін арнайы заң қабылдадық". Мемлекет басшысы Қасым-Жомарт Тоқаев

Бүгінгі күні Әл-Фараби атындағы ҚазҰУ ғалымдары «AP14869303 – Қазақстанның ежелгі және қазіргі мәдениетіндегі қасқыр мен иттің рөлін этнозооархеологиялық зерттеу» тақырыбында іргелі ғылыми-зерттеу жұмысын іске асыруда.

Бұған дейін Мемлекет басшысы Қасым-Жомарт Тоқаев XXXIII жазғы Олимпиада ойындарында жақсы нәтиже көрсеткен Ұлттық құраманың бір топ спортшысы мен бапкерлерін марапаттағаны белгілі.