Тоқаев: Жемқор шенеуніктерден тәркіленген ақша мектеп салуға жұмсалады

Қазақстан президенті Қасым-Жомарт Тоқаев жемқорлардан тәркіленген барлық ақшаны мектеп салуға жұмсау керектігін айтты, деп хабарлайды Zakon.kz.

Қасым-Жомарт Тоқаев сонымен қатар жоғары білім беруді қолжетімді етуді тапсырды. Мемлекет басшысының айтуынша, білім беру саласына жылдық 2-3 пайызбен жеңілдетілген несиелер де берілмек.

1 қыркүйекте Қазақстан Республикасының Президенті Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялады. Жолдаудың негізгі бөлігі еліміздің әлеуметтік-экономикалық дамуына арналған.