ҚМДБ қажылыққа қатысты маңызды мәлімдеме жасады

5 маусымда Қазақстан мұсылмандары діни басқармасы биылғы жылы Меккеге қажылыққа баратын ел азаматтары үшін маңызды мәлімдеме жасады, деп хабарлайды Zakon.kz.

ҚМДБ Сауд Арабиясы Корольдігінің қоғамдық қауіпсіздік қызметі қажылық тәртібін бұзып, рұқсатсыз қажылық парызын өтеген қажыларға айыппұл сала бастағанын хабарлады.

"Мемлекеттік ақпарат агенттігінің хабарлауынша, қажылық жасауға және рұқсатты заңсыз алуға тыйым салу саясаты қамтылған аймақтарға Мекке қаласы, орталық аймақ, қасиетті жерлер, Харамайн теміржол станциясы, бақылау-өткізу пункттері, тексеру орталықтары және уақытша бақылау бекеттері кіреді. Ереже 2024 жылдың 20 маусымына дейін күшінде болады", делінген хабарламада.

Кез келген адамға – азаматтар, тұрғындар немесе келушілерге қажылық ережелерін бұзғаны үшін 10,000 саудиялық риал (2666 АҚШ доллары) айыппұл салынады, ал азаматтығы жоқтар өз елдеріне депортацияланады және белгілі бір мерзімге дейін корольдікке қайта кіруге тыйым салынады.

"Сонымен қатар, қажылық тәртібін бұзғандарды рұқсатсыз тасымалдап жүрген кез келген адам 6 айға дейін бас бостандығынан айырылып, 50 000 риалға дейін (13 328 АҚШ доллары) айыппұл төлейді және тасымалдауға пайдаланылған көлігі тәркіленеді", делінген хабарламада.

Қоғамдық қауіпсіздік егер заң бұзушы резидент болса, ол жазасын өтегеннен кейін депортацияланатындығын және заңға сәйкес белгілі бір мерзімге дейін корольдікке қайта кіруіне тыйым салынатындығын хабарлады.

Тасымалданған адам санына байланысты тәртіп бұзушыларға салынатын айыппұл мөлшері өседі.