Путин Каспий теңізінің таяздануына қарсы күрес шараларын әзірлеуді тапсырды

Ресей Федерациясының президенті Владимир Путин 2 желтоқсанда Үкіметке Каспий теңізінің таязданумен күресу үшін шаралар бағдарламасын әзірлеуді тапсырды, деп хабарлайды Zakon.kz.

РИА Новости мәліметінше, Путин бұл туралы Ново-Огаревода өткен Халықаралық жас ғалымдар конгресінің қатысушыларымен кездесуде мәлімдеді.

"Мен Ресей Федерациясының Үкіметіне тиісті іс-қимыл бағдарламасын дайындауды тапсырдым", — деді ол.

Сондай-ақ, РФ Президенті Каспийді толтыру мәселесі бұрын Қазақстан президенті Қасым-Жомарт Тоқаевпен және Әзірбайжан президенті Ильхам Әлиевпен келіссөздерде көтерілгенін атап өтті.

Бұған дейін Каспий теңізі 2 метрге тартылғаны хабарланған болатын.