ТЖМ қызметкерлері мұз құрсауынан жылқыларды құтқарды

Қызылордадағы "ПМК-29" саяжайы маңындағы Қалғандарияға мұз қатып, екі жылқы жағасынан 300 метр қашықтықта мұздан шыға алмай қалған, деп хабарлайды Zakon.kz.

Құтқарушылар құтқару арқанының көмегімен екі жылқыны мұздан қауіпсіз аймаққа шығарды. Зардап шеккендер жоқ, жануарлар тірі.

"Құтқару операциясын Құтқару бөлімшесінің басшысы Паримов Қанат басқарды. Оның айтуынша, Қалғандарияның бетіне мұз қатып қалған. Дегенмен қауіпсіздік талаптарын сақтай отырып, құтқарушылар малды аман есен жағаға алып шығарды", - деп хабарлады Төтенше жағдайлар министрлігі.

Жылқылардың иесі өз алғысын білдірді.