Қазақстандық пойыздарда интернет қашан қолжетімді болады

Цифрлық даму, инновациялар және аэроғарыш өнеркәсібі Вице-министрі Ростислав Коняшкин 2024 жылғы 23 желтоқсанда Мәжілістегі Үкіметтік сағат барысында 2025 жылдың басында қазақстандық пойыздарда пилоттық режимде интернет пайда болатынын айтты, деп хабарлайды Zakon.kz.

Оның айтуынша, өткен жылы республикалық жолдар бойында талдау жүргізілген.

"Талдау негізінде біз антенна-діңгек құрылыстарын қосымша орнату қажет болатын 243 нүктені анықтадық. Қазір әкімдіктер жобалау-сметалық құжаттаманы әзірлеуде. 80-ге жуығы іске асты. 2025 жылы Республикалық маңызы бар жолдардағы "ақаулықтар" жойылады. Сондай-ақ, жергілікті деңгейдегі жолдарды талдау басталды, оның нәтижелері ескеріліп, жоспарға енгізілетін болады",- деп толықтырды Коняшкин.

Оның айтуынша, теміржол пойыздарында Интернеттің ең жақсы нұсқасын таңдау үшін әртүрлі технологияларға талдау жасалды.

"Ең жақсы нұсқа-төмен орбиталық спутниктер арқылы интернет. Қазіргі уақытта OneWeb компаниясымен келіссөздер жүргізілуде. Қаңтар айында ҚТЖ-мен бірлесіп пилоттық жобаны іске қосуды жоспарлап отырмыз. Оның нәтижелері бойынша сапа мен тарифтер бізге қаншалықты сәйкес келетіні туралы шешім қабылданады. Тиісінше, одан әрі масштабтау туралы шешім қабылданады", — деп сендірді Ростислав Коняшкин.

Бұған дейін Нұртай Сабильяновтың автожолдардың сапасын бағалау критерийлерін қайта қарауды ұсынғаны хабарланған болатын.