Алматыда жас жігітті пышақтап өлтіріп кетті

Алматыда 24 желтоқсанда "Шұғыла" шағын ауданында 20 жастағы жігіт жанжал кезінде пышақ жарақатынан қаза тапты. Бұл туралы Zakon.kz сайтына қалалық полиция департаменті хабарлады.

Ведомство Наурызбай аудандық полиция бөлімі адам өлтіру дерегі бойынша қылмыстық іс қозғағанын хабарлады.

"Күдікті "ізін суытпай" ұсталып, уақытша ұстау изоляторына қамалды. Алдын ала мәліметтер бойынша, екі таныс адамның арасында жанжал шығып, олардың біреуі пышақ қолданған", - делінген хабарламада.

Полиция қарудың тәркіленгенін айтты. Қылмыстың басқа мән-жайлары анықталып жатыр.