ІІМ Батыс өңірлік әскери-тергеу басқармасының басшысы тұтқындалды

Ақтауда ішкі істер министрлігінің әскери-тергеу басқармасының басшысы ұсталды, деп хабарлайды Zakon.kz.

ІІМ Әскери-тергеу басқармасының мамандары Джавгашев пен Сәдуақасовтың 1 млн теңге көлемінде пара алып жатқан жерінде ҰҚК қызметкерлеріне ұсталғаны жайлы ақпарат 2024 жылдың желтоқсан айында журналист Михаил Козачковтың Telegram-каналында пайда болған болатын.

Бүгін, 2025 жылғы 10 қаңтарда ҚР ҰҚК фактіні растады. Онда ҚР ҚК–нің 366-бабы — Пара алу бойынша сотқа дейінгі тергеу жүргізіліп жатқаны хабарланды. Басқа ақпарат жария етілмейді.

Полковник Мұхит Джавгашев ҚР ІІМ Батыс өңірлік әскери-тергеу басқармасының бастығы болып табылады.

Бұған дейін Қостанайда синтетикалық есірткі жасырған күдікті ұсталғандығы хабарланған болатын.