Ақтөбе облысының тас жолдарында бұзылған ауыр жүк көліктері кептеліс туғызды

Ақтөбе облысындағы Самара – Шымкент және Қарабұтақ – Комсомол тас жолының бірнеше бөлігінде ақауы бар ауыр жүк көліктері қозғалысқа кедергі келтірді, деп хабарлайды Zakon.kz.

Желтоқсанның 28-і күні "Қазавтожол ҰК" АҚ баспасөз қызметі хабарлағандай, Ақтөбе облысында ауыр жүк көліктерінің техникалық ақауларына байланысты көлік кептелістері туындаған

"Ақтөбе облысы аумағына қарасты "Қарабұтақ-Комсомол" 175 км, "Самара –Шымкент" 901 км, "Самара –Шымкент" 903км, "Самара – Шымкент" 920 км, "Самара – Шымкент" 930 км, "Самара – Шымкент" 934 км учаскелерінде ауыр жүк көліктерінің кептелістері орын алуда", – делінген хабарламада.

Жүргізушілерге осы бағыттар бойынша қозғалыс кезінде қиын жағдайды ескеру керек екені ескертілді.