Қолайсыз ауа райына байланысты БҚО-дағы жолдардың бір бөлігі жабылды

Батыс Қазақстан облысында 23 желтоқсанда сағат 21:30-дан бастап республикалық жолдың бір бөлігі жабылды, деп хабарлайды Zakon.kz.

"ҚазАвтоЖол" ҰК" АҚ баспасөз қызметінің мәліметінше, көліктің барлық түрінің қозғалысына "Өнеге-Бисен-Сайқын" республикалық тас жолының 31-103 шақырым, яғни Бисен ауылы - Сайқын ауылы аралығында шектеу қойылады. Бұған өңірдегі ауа райының күрт бұзылуы түрткі екені нақтыланады. 

Жолды 2024 жылғы 24 желтоқсан сағат 06:00 ашу жоспарланып отыр.

Бұған дейін Ақтөбе облысында республикалық маңызы бар жолдарды тазалауға 146-дан астам техника тартылғаны хабарланған.