Ұшақ апаты: Зардап шеккен 29 адамның алтауы Қазақстанда емделуде

Ақтау маңындағы ұшақ апатынан аман қалып, зардап шеккен 29 адамның алтауы Қазақстанда емделуде, онда да олар жансақтау бөлімінде жатыр, деп хабарлайды Zakon.kz.

"Қазір бізде алты адам емделіп жатыр: Әзірбайжанның  үш азаматы, Қырғызстанның тағы үш азаматы. Төртеуі жансақтау бөлімінде жатыр. Бір науқастың жағдайы өте ауыр, тұрақсыз", деп мәлімдеді ҚР Денсаулық сақтау вице-министрі Тимур Мұратов арнайы өткен брифингіде. 

Ал зардап шеккен Ресейдің тоғыз азаматы Мәскеуге, одан бөлек Әзірбайжанның 14 азаматы Бакуге эвакуацияланған.