Төртеуі жансақтау бөлімінде: Ақтаудағы ұшақ апатынан зардап шеккендердің қазіргі жағдайы қандай

Маңғыстау облыстық көпсалалы ауруханасы 27 желтоқсанда Ақтау маңындағы ұшақ апатынан зардап шеккендердің жағдайы туралы айтты, деп хабарлайды Zakon.kz.

Дәрігерлердің айтуынша, қазіргі уақытта алты науқас ауруханада емделуде.

"Олардың төртеуі реанимацияда. Науқастардың бірінің жағдайы өте ауыр. Қалған үшеуінің жағдайы тұрақты ауыр. Екі науқас травматология бөлімінде ем алуда", — деп хабарлады аурухана.

Облыстық көпсалалы ауруханада емделіп жатқан алты пациенттің үшеуі Әзірбайжан азаматы, үшеуі Қырғызстан азаматы. Олар толық ем алады.

2024 жылдың 25 желтоқсанында Бакуден Грозныйға ұшып шыққан жолаушылар ұшағы Ақтау әуежайының маңында апатқа ұшырады. Ақтауда ұшақ апатынан аман қалғандар саны 29 адамды құрады. Ұшақта Қазақстан азаматтары да болды. Өкінішке орай, олардың ешқайсысы аман қалмады.