Мемлекет басшысы "Газпром" компаниясының басқарма төрағасын қабылдады

Мемлекет басшысы Қасым-Жомарт Тоқаев "Газпром" компаниясының басқарма төрағасы Алексей Миллерді қабылдады, деп хабарлайды Zakon.kz.

Президент Қасым-Жомарт Тоқаев "Газпром" компаниясының басқарма төрағасы Алексей Миллермен энергетика саласындағы өзара іс-әрекеттің басым бағыттарын талқылады, делінген Ақорда хабарламасында.

Сондай-ақ кездесу барысында газ саласындағы бірлескен жаңа жобаларды жүзеге асыру мәселесі қарастырылды.