СІМ Абаевтың РФ-дағы ҚР елшісі болып тағайындалғаны жайлы сыбысқа қатысты түсінік берді

ҚР СІМ-нің ресми өкілі Айбек Смадияров 26 маусымда өткен брифинг кезінде ТМД Бас хатшысының орынбасары Дәурен Абаевтың РФ-дағы Қазақстан елшісі етіп тағайындалғаны туралы сыбысқа қатысты түсініктеме берді, деп хабарлайды Zakon.kz.

ҚР СІМ-нің ресми өкілі бұл ақпаратты растаған да, сондай-ақ жоққа шығарған да жоқ. 

"СІМ бұл ретте ешқандай мәлімдеме жасамайды. Біз бұл ақпаратты растай да, жоққа шығара да алмаймыз. Жарлық шыққан кезде ғана барлығы белгілі болады. Бұл - Вена конвенциясы бойынша жұмыс процестері. Сондықтан бұл әлеуметтік желі мен Telegram арналардағы даурықпа әңгімелер". ҚР СІМ ресми өкілі Айбек Смадияров

Бұған дейін РФ-дағы Қазақстан Республикасының Төтенше және өкілетті Елшісі Ермек Көшербаев болған еді. 16 маусымда ол Даниал Ахметовтың орнына барып, Шығыс Қазақстан облысының әкімі болып тағайындалды.