"Нақты нәтижеге қол жеткіздік деуге әлі ерте" - Қ.Тоқаев есірткі саудасына қарсы күрес туралы

Хакеры, программисты, кибербезопасность, мошенничество, мошенники, защита данных, взлом данных , сурет - Zakon.kz жаңалық 02.09.2024 13:31

Фото: freepik

Президент "Әділетті Қазақстан: заң мен тәртіп, экономикалық өсім, қоғамдық оптимизм" атты Қазақстан халқына жолдауында маңызды міндеттердің бірі есірткі саудасы мен нашақорлыққа қарсы күрес екенін атап өтті, деп хабарлайды Zakon.kz.

Бұл – ұлттың генетикалық қорын аман сақтап қалу мәселесі деген сөз.

"Біз осыған дейін қажетті заңнамалық шараларды қабылдадық. Бірақ нақты нәтижеге қол жеткіздік деуге әлі ерте. Әрбір мемлекеттік құрылым, әсіресе, құқық қорғау органдары тиімді жұмыс істеп жатыр деп айта алмаймыз. Есірткі мәселесі ушығып барады",- деп қадап айтты президент.

Біз заң мен тәртіп, білім мен парасат үстемдік ететін қоғам құруымыз керек. Азаматтары, әсіресе жастары мәдениетті, жаңашыл әрі жасампаз ұлттың ұпайы түгел. Сондықтан біз өркениетті ел болуға кедергі жасайтын жағымсыз әдеттерден арылуымыз керек.

"Мен бұл туралы Ұлттық құрылтайдың отырысында айттым. Елдің болашағына кесірін тигізетін бес кеселге тоқталдым. Содан бері біршама жұмыс атқарылды. Вандализмге, лудоманияға тосқауыл қоятын заңдар қабылданды. Вейпке, яғни электронды темекіге тыйым салынды. Қабылданған шаралардың нәтижесі қазірдің өзінде көрініп жатыр. Әлеуметтік кеселдің бәрімен тұтас жұрт болып жұмыла күресу қажет".Қасым-Жомарт Тоқаев

Сондай-ақ, жолдау аясында ол сарбаздардың денсаулығы мен қауіпсіздігіне армия басшылығы жауапты екенін айтты.

Оқи отырыңыз