Енді қоңырау шалған алаяқтармен сөйлесіп жатудың қажеті жоқ, мұны Дейзи апаға тапсырыңыз

Дейзи - британдық Virgin Media O2 телефон компаниясы жасанды интеллект көмегімен жасап шыққан егде әжей. Оның бар мақсаты - алаяқтармен күні бойы сөйлесу, деп хабарлайды Zakon.kz.

CBS News-тің хабарлауынша, Дэйзи 14 қарашада іске қосылып, алаяқтармен 1000-нан астам әңгіме жүргізген, оның ішінде ең ұзаққа созылғаны шамамен 40 минутты құрайды. Ол қаскөйлерді өзінің техникалық жағынан сауатсыздығымен ашуландырып, немерелері туралы бос әңгімелер айтумен болған. Дэйзи сөйлескенде адам сияқты көрінуі мүмкін, бірақ ол апаның мінезін көшірген жасанды интеллектінің үлкен тілдік моделі. Ол алаяқтарды тыңдап, олардың дауысын мәтінге айналдыра аудару арқылы жұмыс істейді. Содан кейін сәйкес жауапты табу үшін үлкен дерекқорды қарап, мәтінді сөзге айналдырады. 

Компаниядағылар CBS журналистеріне Дэйзиді оқыту үшін белгілі алаяқтармен жұмыс істегендерін айтты.