Мусин «Зерде» холдингін таратып жіберуді ұсынды

Үкімет отырысында ҚР Цифрлық даму, инновациялар және аэроғарыш өнеркәсібі министрі Бағдат Мусин «Зерде» холдингін тарату туралы сөз қозғады, деп хабарлайды Zakon.kz тілшісі.

«Зерде» тобын реформалау бойынша жұмыс жылдың басында басталған болатын. Оның бірі жүйелік интегратордың қызметі Цифрлық үкіметті қолдау орталығына берілді. Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусин

Министр инновацияларды дамытудың бірыңғай экожүйесін құру мақсатында QazInnovations агенттігі мен Astana Hub технопаркін бір ұйымға, яғни «Инновациялық технологиялар паркінің» құрамына біріктіру арқылы оңтайландыруды ұсынды.

Ал Ұлттық ақпараттық технологиялар АҚ-ны тікелей Цифрлық даму министрлігінің қоластына беріп, «Зерде» холдингін таратып жіберу ұсынылады. Бағдат Мусин

Ол холдингтің жобаларды іске асыру бойынша тиісті материалдарын құзырлы органдар қарап, зерделейтінін атап өтті.