5G-ге арналған радиожиілік елімізде 93 млрд теңгеге сатылды

23 желтоқсан күні мобильді байланыстың бесінші буынына арналған радиожиіліктер бөлу бойынша сауда-саттықтың №2 лоты болды. Бұл ақпаратты ҚР Цифрлық даму, инновациялар және аэроғарыш өнеркәсібі министрі Бағдат Мусин әлеуметтік желідегі жеке парақшасында жариялады, деп хабарлайды Zakon.kz.

Цифрлық даму министрінің мәлімдеуінше, аукционның бастапқы бағасы 1,761 млрд теңге көлемінде болған.

"Сағат 10.00-де баға 20 млрд теңгеге дейін ұлғайды, ал 4 сағаттан астам уақыттың ішінде бұл қаржы рекордтық мөлшерге жетіп, 93,399 млрд теңгеге дейін өсті. Осылайша, осы бағамен сауда-саттық аяқталды. "Кселл" АҚ және "Мобайл Телеком Сервис" ЖШС-нен құралған консорциум жеңімпаз болып танылды".ҚР Цифрлық даму, инновациялар және аэроғарыш өнеркәсібі министрі Бағдат Мусин

Министрдің сөзінше, жеңімпаз тиісті рұқсат құжаттарын рәсімдегеннен кейін 3700-3800 МГЦ жиілігіне (100 МГЦ) ие болады.

"Аукционының қорытындысы бойынша республикалық бюджетке жіберілген сома 156 миллиард теңге болады. Бұл қаражат "қолжетімді Интернет" жаңа ұлттық жобасын іске асыруға бағытталады".Бағдат Мусин

Оның айтуынша, жоба 3 мыңға жуық ауылды талшықты-оптикалық байланыс желілерімен қамтамасыз етуді, республикалық және облыстық жолдар бойымен оптика салуды, АМС-ты (Антенна діңгектік құрылымды) жеткізуді және т. б. қажетті шараларды көздейді.

Посмотреть эту публикацию в Instagram

Публикация от Bagdat Mussin (@bagdatmussin)