Робот Tesla зауытының инженерін жарақаттады

Техас штатында робот-манипулятор жұмыс үстінде Tesla зауытының инженерін жарақаттады, деп хабарлайды Zakon.kz.

Жаңадан құйылған алюминийден жасалған автокөлік бөлшектерін алып, жылжытуға арналған машина жұмыс кезінде істен шығып, манипуляторын жақын маңда жұмыс істеп тұрған инженерге тығып алды. Инженердің қолы және арқасы жарақаттанған, деп жазды DailyMail.

Бұл жайт 2021 жылы Tesla көлігін шығаратын зауытта болған. Алайда бұл тосын жайт жөнінде енді ғана айтыла бастады. Басылымның жазуынша, 2021 жылы да, 2022 жылы да Tesla жылдық есептерінде роботтардың әрекетінен болған жұмыс орнындағы жарақаттар туралы тіс жармаған. Өйткені бұл мәселе ерекше бақылауда және бөлек атап өтілген, деп хабарлады басылым.