Үйлерді су басып, көпір мен жолдар бүлінуде: Арменияда да су тасқыны болып жатыр

Арменияның солтүстік-шығысында Дебед өзені кенерінен асып, тасыды. Елдегі ІІМ-нің алдын ала деректері бойынша, бір ауылдан 70 тұрғын эвакуацияланды және бір адам қаза тапқан, деп хабарлайды Zakon.kz.

Арменияның ішкі істер министрлігі (2023 жылы елде ТЖМ таратылды, оның қызметін ІІМ орындайды - ред.) Дебед өзенінің тасуына байланысты ақпаратпен бөлісті. 

News.am басылымының мәліметінше:

• Су тасқыны салдарынан Ванадзор-Алаверди тас жолының 31 шақырым учаскесі су астында қалды, ұзындығы шамамен 50 метрді құрайтын учаске талқандалып, бүлінді.
• Айрум станциясы маңындағы көшеде бірқатар үйлер су астында қалды, Шнох ауылынан Техут бағытындағы жолмен кетіп бара жатқан "Opel" маркалы автокөлік өзенге құлады (алдын ала мәліметтер бойынша, бір адам қаза тапты).
• Айрум-Алаверди тас жолында бір ауыр жүк көлігі (толығымен су астында қалды, кабинада екі азамат бар) батып қалған. Алаверди қаласында су басқан үйлер мен қоралар бар. Алдын ала мәліметтер бойынша, бір қарт адам өзенге батып кетіп, іздеу-құтқару жұмыстары жалғасуда.
• Алаверди қауымдастығының Каркоп ауылы маңында Дебед өзеніне көпір құлады. Ауыл су астында қалды.
• Дебед өзені өтетін Ахтала ауылындағы көпір су астында қалды, қираған учаскелер бар, теміржолдың кейбір учаскесін сел шайған, құлаған электр бағандары бар.
• М-6 тас жолы, Алаверди қаласында Санаин кварталына апаратын Туманян көшесіндегі жол мен зираттарды су басты. Шнох-Техут учаскесіндегі жол толығымен талқандалды.

Дзорагет ауылының 70 тұрғыны қауіпсіз аумаққа көшірілді.

"Армения ІІМ құтқару қызметінің бөлімшелері төтенше жағдайды жоюға жұмылдырылды. 7 жауынгерлік звено, Лория облыстық құтқару басқармасының өрт-құтқару жасағының 2 жедел тобы, 2 жауынгерлік звено және Тавуш облыстық құтқару басқармасының өрт-құтқару жасағының 1 жедел тобы көмекке тартылды", - деп атап өткен басылым.

Sputnik Армения елдің солтүстік-шығысында орналасқан Тавуш облысының су басқан көшелерінен түсірілген видеоларды жариялады. Бұл Агстев өзенінің тасуы салдарынан болғанын айтады. 

Қазақстанда бұрын-соңды болмаған су тасқынының беті қайтып келеді. Көшелер мен үйлерді су басу жергілікті ауқымда орын алуда. 2024 жылғы 25 мамырда Атырау облысының жедел штабында Атырау облысының Талдыкөл ауылында халықты мәжбүрлеп эвакуациялау басталғанын хабарлады. ТЖМ ауыл тұрғындары мен инфрақұрылымға қауіп төніп тұрмағанын хабарлады.