Тәжікстан ғұламалар кеңесі әйелдерге "мүсінді айқындайтын және қара түсті киімдер" киюге тыйым салды

Тәжікстан Ислам орталығының ғұламалар кеңесі әйелдерге "ұлттық мәдениет пен дінге жат" киім киюден бас тартуды ұсынды, деп хабарлайды Zakon.kz.

Кеңестің жаңа пәтуасы бойынша, тәжік ұлттық киімі "Ханафи мәзһабы талаптарына толық сәйкес келеді" делінген.

Енді хиджабтан бөлек, әйелдерге мүсінді айқындайтын, мөлдір және қара түсті киімдер мен дене бөлігі көрінетін киім киюге кеңес берілмейді

.Пәтуаға сәйкес, әйелдер киімі ежелгі заманнан бері тәжік әйелдері киетін орамал, жейде мен белдемшеден тұруы керек.

Бұған дейін Тәжікстанда хиджаб киюге ресми түрде тыйым салынған болатын.