Еуропалық одақ қытайлық электронды сауда алаңына қатысты тергеуді бастады

Еуропалық комиссия Қытайдың Temu электронды сауда алаңына қатысты тергеуді бастады. Сауда алаңына еуропалық нарықта заңсыз өнімді сатумен байланысты цифрлық қызметтер туралы заң тармақтарын бұзған болуы мүмкін деген күдік келтіріледі, деп хабарлайды Zakon.kz.

Еурокомиссия PDD Holdings-ке тиесілі платформа технологиялық компанияларды реттейтін жаңа цифрлық қызметтер туралы заңды (DSA) бұзуда деп алаңдаушылық білдіреді 

Temu-ға қатысты тергеуді қолға алуға түрткі заңсыз тауарларға мыналар жатады:

• авторлық құқықты бұзушы танымал брендтердің көшірмесі;
• еуропалық стандарттарға сәйкестігі тексерілмеген, сертификаты жоқ немесе қолдануға қауіпсіз емес дәрілер;
• құрамында тыйым салынған қоспалары болуы мүмкін косметика;
• денсаулыққа қауіп төндіретін балаларға арналған өнімдер.

The Guardian жалған өнімдерді, фармацевтикалық препараттар, косметикалық заттар мен ойыншықтар сатылымына қатысты бүкіл Еуропаның, әсіресе Германия, Дания және Ирландияның тиісті органдары алаңдаушылық білдіріп отырғандарын жазды. 

Егер Еурокомиссияның күдігі расталса, онда компанияға ірі көлемде айыппұл салынады. ЕО-дан Temu-ға 75 миллион адам тіркелген, қыркүйекте оған жазылушылардың саны 92 миллионға дейін өсті.