Қызыл теңізге батқан туристер толы кемеде қай елдердің азаматтары болғаны белгілі болды

Мысырдың Марса-эль-Алам қаласы маңында Қызыл теңізге батып кеткен туристік яхта бортында 13 елдің азаматтары болғаны белгілі болды, деп хабарлайды Zakon.kz.

РИА агентігінің хабарлауынша, Қызыл теңізге батқан Sea Story кемесіндегі 28 адам құтқарылған, ал 17-сі хабар-ошарсыз кеткен.

Қызыл теңіз провинция губернаторы генерал-майор Амир Ханафи тірі қалғандар қаланың оңтүстігінде, Вади-Эль-Гемал аймағында табылғанын жеткізді. Оларға қажетті медициналық көмек көрсетіліп жатыр. 

"Жергілікті БАҚ-тардың мәліметінше, туристік кеме бортында 13 елдің азаматтары болған, атап айтқанда, Мысыр, Германия, Испания, Бельгия, Қытай, АҚШ, Словакия, Швейцария, Ұлыбритания, Польша, Норвегия, Ирландия және Финляндия азаматтары" деп жазады РИА Новости.