Қолайсыз ауа райына байланысты еліміздің екі өңірінде жолдар жабылды

22 ақпанда сағат 18:00-дегі жағдай бойынша ауа райының қолайсыздығына байланысты екі облыста республикалық маңызы бар екі тас жолда көлік қозғалысына шектеу енгізілді, деп хабарлайды Zakon.kz.

Қостанай облысында – жалпы ұзындығы 83 шақырымды құрайтын тас жолда (Ұлытау облысындағы ауа райының қолайсыздығына байланысты);

1. «Жезқазған-Петропавл» - Ұлытау облысының шекарасынан Арқалық қаласына дейін (көліктің барлық түрлері үшін)

Ұлытау облысында – жалпы ұзындығы 115 шақырымды құрайтын тас жолда (екпінді жел, ауа температурасының төмендеуі)

1. «Жезқазған-Петропавл» - Ұлытау ауылынан Қостанай облысының шекарасына дейін (барлық көлік түрлері үшін).

Қазіргі уақытта республикалық маңызы бар автожолдарды қысқы мезгілде тазалап ұстау жұмыстарына 631 бірлік техника және 1389 жолшы жұмылдырылған.