Алматы хайуанаттар бағы "адам тістері" бар алып пираньяны көрсетті

Алматы хайуанаттар бағының әкімшілігі 2024 жылдың 5 тамызында аквариумдардың ерекше тұрғыны – қарақұрық Паку туралы айтып берді. Балықтың бұл түрі прианья тұқымдасының ең үлкен мүшесі болып табылады, деп хабарлайды Zakon.kz.

Мамандар бейнені зообақтың Instagram парақшасында бөлісті. Жазбада аталмыш балық туралы егжей-тегжейлі ақпарат беріп өткен.

Шығу тегі: Паку Оңтүстік Американың өзендері мен көлдерінен, әсіресе Амазонкадан шыққан.

Посмотреть эту публикацию в Instagram

Публикация от Алматы хайуанаттар бағы / Алматинский зоопарк (@almatyzoo)

Тамақтану: Пакудың жақын туысы пираньядан айырмашылығы, Паку негізінен жемістер, жаңғақтар және балдырлар сияқты өсімдік тағамымен қоректенеді.

Сыртқы көрінісі: Қарақұрық Паку ұзындығы 90 см-ге дейін және салмағы 25 кг-ға дейін жетуі мүмкін. Олар қара түсті және күшті жақтарымен ерекшеленеді.

Қызықты факт: Пакудың тістері адамның тістеріне ұқсайды. Бұл оларға жаңғақтар мен басқа да қатты заттарды жарып шығаруға көмектеседі.

Қолдан өмір сүру: Аквариумдарда Паку дұрыс күтім жасалған жағдайда 25 жылға дейін өмір сүре алады. 

2 тамызда Алматы хайуанаттар бағындағы жолбарыстардың жағдайы туралы айтқан болатынбыз.