Көзі шығып, денесі қарайып кеткен: Ақтауда аралас жекпе-жек шеберінің мәйіті табылды

Ақтауда аралас жекпе-жек шеберінің өлі денесі қоқыс қасынан табылды. Марқұмның мәйіті бірнеше күн бойы далада жатып қалған, деп хабарлайды Zakon.kz.

КТК телеарнасының хабарлауынша, марқұмнның көзі шығып, денесі ісініп, қарайып кеткен. Адам қолынан мерт болған 30 жастағы Вусал Джафаров аралас жекпе-жектегі мансабын он жыл бұрын бастаған.

Жергілікті промо-команда құрамында төрт кездесу өткізген. Соның тек біреуінде ғана жеңіске жеткен. Кейін қылмыс әлеміне жақын болып, сотталып та шыққан. 

"Ер адамның жеке басы анықталды. Оқиға орнын тексергенде шприц, сондай-ақ ер адам шұлығынан ұнтақ табылды. Қаза тапқан адам бұрын тонау және бопсалау деректері бойынша сотталғаны анықталды".Маңғыстау облысы полиция департаменті баспасөз қызметінің жетекшісі Әйгерім Ибатуллаева