Қаскелеңде әйел парфюм сататын дүкенде шыққан өрт кезінде зардап шекті

Қаскелеңде 2025 жылғы 7 қаңтарда "Жер-Ана" базарының аумағында орналасқан парфюм сататын дүкенде өрт шықты, деп хабарлайды Zakon.kz.

Сауда орнында газ-ауа қоспасы жарылғаннан кейін төбе мен жиһаздар өртенді. Өрт 10 шаршы метр аумақты шарпыды.

"Өрттің салдарынан 1996 жылы туған әйел термиялық күйік алды. Өртті сөндіруге 11 қызметкер мен екі техника жұмылдырылды", - деп хабарлады Алматы облысы төтенше жағдайлар департаментінің баспасөз қызметі.