СҚО прокуратурасы жастар арасында суицидті уағыздайтын Telegram-дағы ойындарды бұғаттады

Солтүстік Қазақстан облысының прокуратурасы "Telegram" мессенджерін қадағалауда "аниме" жанрында өз-өзіне қол жұмсау бойынша тапсырмаларды орындаған екі жасөспірімді анықтады, деп хабарлайды Zakon.kz.

CҚО прокуратурасы баспасөз қызметінің хабарлауынша, заңды өкілдермен сәйкес профилактикалық жұмыс жүргізілді, аталған балаларға психологиялық көмек көрсетілді және уәкілетті органдар оларды бақылауға алды.   

"Сонымен қатар, осы мессенджерде балалар суицидін тікелей насихаттайтын 8-ден астам заңсыз контент анықталды. Қазіргі уақытта "Кибернадзор" ақпараттық жүйесі арқылы осы топтарға кіру бұғатталған", делінген хабарламада.

Уәкілетті органдар мен психологиялық қызметтер жұмысының тиімділігін арттыру үшін прокуратураның бастамасымен аталған мәселе бойынша практикалық іс-шаралар өткізілді. Атап айтқанда, ағымдағы жылдың қазан айында облыс әкімдігінің алаңында ауқымды практикалық семинар өткізілді, онда облыстың білім беру мекемелерінің директорлары мен психологтарына суицидке бейім балаларды, оның ішінде әлеуметтік желілер мен мессенджерлерде анықтау бойынша жаңа ғылыми әдістемелер мен алгоритмдер жеткізілді.