Оралда алаяқтар WhatsApp арқылы қала әкімінің атынан тапсырма берген

Орал қаласының әкімі Марат Байменовтың атынан WhatsApp мессенджерінде хабарлама тарап, әкімдіктегілерді дүр еткізді, деп хабарлайды Zakon.kz.

Әкім алаяқтар өзіне тиесілі емес нөмірді пайдаланып, жалған хабарламалар таратып жатқанын айтады.

"Достар, қазіргі уақытта WhatsApp мессенджерінде белгісіз тұлғалар менің атымнан кей адамдарға хабарламалар жіберуде. Бұл хабарламалардың жалған екенін мәлімдеймін. Көрсетілген нөмір маған тиесілі емес. Жіберілген хабарламаларға сенбеуіңізді және көрсетілген сілтемелер бойынша өтпеуіңізді сұраймын", деп жазды желіде әкім.

Айта кетсек, Мұрат Байменов таяуда ғана, яғни 2024 жылы 1 қазанда қала әкімі болып тағайындалған еді.