ҚМДБ еліміздің бас мешітіне айт намазын оқу үшін қанша адам келгенін көрсетті

2024 жылдың 10 сәуірінде еліміз қасиетті Рамазан айы аяқталғанда болатын Ораза айтты атап өтті. Таңертеңнен бастап ел азаматтары Айт-намаз оқу үшін мешіттерге ағылды. Қазақстан мұсылмандары діни басқармасы еліміздің бас мешітінде түсірілген суреттермен бөлісті, деп хабарлайды Zakon.kz.

Қазақстан мұсылмандары діни басқармасының төрағасы Наурызбай қажы Тағанұлы республикалық Бас мешітте айт намазын жүргізіп, жамағатқа уағыз айтты.

Сурет: muftyat.kz

ҚМДБ төрағасы мұсылман қауымын айт мерекесімен құттықтай келе:

"Исламда әрбір құлшылықтың мақсаты – мұсылман баласын Аллаға жақын ету. Сол секілді Рамазан айында ұстайтын ораза да адамды тақуалыққа тәрбиелейді. Нәпсімен ғана күресетін айлардың сұлтанында көп құлшылық, адамдарға жақсылық жасауға тырысамыз. Ал Рамазан айының негізгі мақсаты орындалуы үшін өмір сүру салтымыз, күнделікті дағдымыз бұл айдан кейін де өзгермеуі керек", - деді. 

Сурет: muftyat.kz

"Нағыз Рамазан ораза біткеннен кейін басталады" деп бекер айтылмаған.

"Әртүрлі күнәдан, жаман әдеттерден аулақ болуға тиіспіз. Сондай-ақ оразамыздың қабыл болуын ұдайы тілеп, келесі Рамазанға аман жетуді Жаратқаннан сұрағанымыз абзал. Шама келгенше аптасына бір-екі күн, Арапа, Ашура күндері ораза ұстау, ең бастысы мінезіміздің көркем болуы осы Рамазанның жемісі болмақ". Наурызбай қажы Тағанұлы

Сурет: muftyat.kz

Айта кетсек, 10 сәуірде Мемлекет басшысы Қасым-Жомарт Тоқаев Қазақстан халқын Ораза айт мерекесімен құттықтады.