Елена Рыбакина Мадридтегі турнирдің үшінші айналымына шықты

Сурет: Instagram/mutuamadridopen

Жарысты екінші айналымнан бастаған қазақстандық теннисші алғашқы матчын дүниежүзілік рейтингіде 46-орында тұрған италиялық Лючия Бронцеттимен өткізді, деп хабарлайды Zakon.kz Қазақстан теннис федерациясына сілтеме жасап.

Бұл қос теннисшінің өзара бірінші кездесуі еді.

Бастапқы партияда Елена 2:0 есебімен алға шыққанымен, Лючия таразы басын теңестірді. Дегенмен Рыбакина брейкпен тәмамдады – 6:4.

Екінші сетті Бронцетти брейкпен бастағанымен, Рыбакина ойын тізгінін қайта қолға алды – 4:1. Содан кейін қатарынан үш эйс жасап, бірінші матчболын сәтті пайдаланды – 6:3.

Посмотреть эту публикацию в Instagram

Публикация от #MMOPEN (@mutuamadridopen)

Елена Рыбакина төртінші айналымға шығу үшін әлемнің 21-ракеткасы, украиналық Марта Костюк немесе рейтингіде 72-сатыдағы мысырлық Майар Шерифтің қай жеңгенімен шеберлік таластырады.

Рыбакина өткен аптада Штутгарт WTA 500 турнирінде чемпион атанған болатын.

Оқи отырыңыз