Қазақстанда онлайн дауыс беруді сұрайтын алаяқтықтың тағы бір түрі пайда болды

Мессенджерлер мен әлеуметтік желіде Қазақстанда алаяқтықтың жаңа түрі пайда болғаны туралы ақпарат тарады. Пайдаланушыларға белгілі бір байқауда балаға немесе танысына дауыс беру өтініші бар хабарлама мен сілтеме жіберіледі, деп хабарлайды Zakon.kz.

Аталған сілтемеге өткен адамдарға телефондағы барлық аккаунты бағынбай қалады, оған бөтен біреу иелік етеді, деп хабарлайды Stopfake.kz.

"Мұндай алаяқтықтан өз-өзіңізді сақтау үшін кім жіберсе де, күмәнді сілтемелер арқылы өтпеңіздер. Егер танысыңыз сізді қандай да бір сайтқа кіруге шақырса да, есіңізде болсын – оның аккаунтын біреулер бұзып кірген болуы мүмкін", делінген хабарламада.

Осындай алаяқтық схема Ресейде де бар екені ескертіледі.