2024 жылдан бастап Аустралия мектептерінде жасанды интеллект қолдануға рұқсат етіледі

2024 жылдан бастап Аустралияның барлық мектептерінде ChatGPT сияқты жасанды интеллекттерді пайдалануға рұқсат етіледі. Елдің Білім министрлігі жаңа технологияларды пайдалануды реттейтін ұлттық шеңберді ресми түрде қолдады, деп хабарлайды Zakon.kz.

Дүйсенбіде федералды білім министрі Джейсон Клэр ChatGPT "жоқ болып кетпейді" және "калькулятор немесе Интернет сияқты болады" деді.

"Біз оны қалай қолдануды үйренуіміз керек. Жекеменшік мектептер қазірдің өзінде оны пайдаланып жатыр. Балалар оны бүкіл елде қолданып жатыр. Олар оны үй тапсырмасына пайдаланады. Шынымды айтсам, біз мұнда қуаласпақ ойнап жүрміз". Джейсон Клэр

Жасанды иентеллектке негізделген ChatGPT чатботы шыққаннан бері аустралиялық білім беру секторы бұл технологияны қалай қабылдау керек екенін шешумен болды.

Оңтүстік Аустралиядан басқа барлық штаттар мен аумақтар құпиялылық пен плагиатқа қатысты алаңдаушылықтан мемлекеттік мектептерде ChatGPT пайдалануға уақытша шектеулер енгізді.

Дегенмен жиында шаттатардың білім министрлері мемлекеттік емес мектеп секторлары жүйені келесі жылдың бірінші семестрінен бастап енгізу қолға алынатынын атап өтті.