Бағдат Мусин Қазақстандағы интернетке қатысты ақау жақында түзеледі деп сендірді

Цифрлық даму, инновациялар және аэроғарыш өнеркәсібі министрі Бағдат Мусин Digital Bridge форумында өткен брифингте Қазақстанда интернет ақауы неліктен болатынын түсіндірді, деп хабарлайды Zakon.kz.

Журналистер Бағдад Мусиннен байланыста ақаулардың болуына не себеп екенін сұрады.

"Біз әр нақты жағдайды қарастыруымыз керек", - деді министр.

Ол сонымен қатар байланыс үзілістерін түсіндірді.

"Қазір 5G технологиясы мен базалық станциялар жаппай орнатылып және көшіп жатыр. Олар экспортталады немесе импортталады, процесс жүріп жатыр. Әрине, процесс кезінде қиындықтар туындауы мүмкін. Бұл - осы қызметтерді орнату және конфигурациялау кезіндегі технологиялар. Әрине, тұрғындардан кешірім сұраймыз. Дегенмен уақытша құбылыс. Ұялы байланыс операторлары жыл соңына дейін елорда мен Алматыдағы жағдайды түзетеміз деп сендірді", - деп түйіндеді министр Бағдат Мусин.

Бұған дейін Бағдат Мусин Илон Масктың интернетін Қазақстанның ауыл мектептеріне қосу қанша тұратынын айтқан еді.