Apple рекордтық табыс тапты

Apple компаниясының тоқсандық кірісі рекордтық 123,9 миллиард долларға жетті, деп хабарлайды Zakon.kz

Корпорацияның таза пайдасы шамамен 20 пайызға артқан.

Желтоқсан айындағы сұраныстың төмендеуі туралы хабарламаларға қарамастан, Apple-дің ең тиімді өнімі қайтадан iPhone болды. Оны сатудан түскен кіріс өткен жылмен салыстырғанда 9 пайызға өсіп, 71,6 миллиард долларға жеткен.

Mac сатылымы компанияға 10,8 миллиард доллар пайда әкелген.

Apple компаниясының басшысы Тим Кук "осы тоқсанда рекордтық нәтижеге жетуімізге инновациялық өнімдерміз бен қызметтер желісі әсер етті", — деді.