Алматы әкімі жарақат алғандарға қанша өтемақы төленетінін айтты

Жарақат, жаппай тәртіпсіздік, өтемақы, сурет - Zakon.kz жаңалық 20.01.2022 11:49

Сурет: Zakon.kz/Павел Михеев

Тәртіпсіздік кезінде ауыр жарақат алған Алматы қаласының полицейлеріне, дәрігерлері мен өрт сөндірушілеріне 2 млн теңге өтемақы төленеді. Бұл туралы қала әкімі Бағытжан Сағынтаев мәлімдеді, деп хабарлайды Zakon.kz

«Осы күрделі әрі қиын күндері қоғам зардап шеккендерге өтемақы төленетініне және қолдау көрсетілетініне сенімді болуы керек. Мәселен, зардап шеккен құқық қорғау органдарының қызметкерлеріне, дәрігерлер мен өрт сөндірушілерге жалпы сомасы 220,5 миллион теңге өтемақы төленеді.Бақытжан Сағынтаев

Қала әкімінің айтуынша, полицейлерге, дәрігерлерге және өрт сөндірушілерге өтемақы мынадай санаттар бойынша төленеді:

• Ауыр жарақат алғандарға – 2 млн теңге

• Орташа ауырлықтағы жарақат алғандарға – 1 млн теңге

• Жеңіл жарақат алғандарға – 500 мың теңге

Ол сондай-ақ, төтенше жағдай кезінде осы іске жұмылдырылған құқық қорғау органдарының қызметкерлері мен медицина қызметкерлеріне материалдық көмек көрсетілетінін атап өтті.

Бұл мақсаттарға 10 012 адамға, оның ішінде 3 880 полиция департаментінің, 1 207 – ТЖД, 93 – құтқару қызметінің, 4 832 – медицина қызметкерлеріне 1,6 млрд теңге бөлінеді.

Оқи отырыңыз