Досаев Алматыдағы нашарлап кеткен ұялы байланыс мәселесін қалай шешетінін айтты

Алматы қаласы, ұялы байланыс, мачта, сурет - Zakon.kz жаңалық 02.03.2023 10:55

Сурет: unsplash

Алматы әкімі Ерболат Досаев қалада ұялы байланыс мәселелерін шешу үшін жаңа діңгекті стансалар салынатынын айтты, деп хабарлайды Zakon.kz тілшісі.

Ұялы байланыс пен интернеттің нашарлығы мәселесін әкіммен кездесуде Медеу ауданы тұрғындарының бірі көтерді. Ол ықшамаудан кеңейіп келе жатқанын, бірақ байланыс мәселесі әлі де бар екенін атап өтті.

"Медеу ауданында мобильді интернет жұмыс істейді, бірақ радиофобия мәселесі бар, жақында стансаны алып тастадық. Тұрақты талшықты-оптикалық байланыс желісіне келетін болсақ, бұл мәселені жыл соңына дейін жабуды жоспарлап отырмыз. Ең құрығанда екі оператор пайда болады".Алматы қаласы Цифрландыру басқармасының басшысы Баян Қоңырбаев

Ерболат Досаев қаладағы нашар ұялы байланыс мәселесін шешу үшін жаңа діңгекті стансалар салынатынын айтты.

"Стационарлы интернетте бәрі жақсы болады, желілер жыл соңына дейін тартылады. Ұялы байланыс операторлары мәселесі бойынша жаңа жоба басталып жатыр, діңгекті құрылымдар салып, ұялы байланыс операторларына рұқсат береміз. Келесі аптада мен қаладағы барлық ұялы байланыс операторларымен кездесу өткіземін. Ұсыныстар бар, техникалық жағынан дайынбыз. Олармен келісімге келсек, байланыс сапасы нашар ықшамаудандарға орнатуды бастаймыз". Алматы қаласының әкімі Ерболат Досаев

Оқи отырыңыз