Жыл қорытындысы: Қазақстанда 2022 жылы қанша бала дүниеге келді және ең танымал есімдер
Сурет: pixabay
Жаңа туған ұлдар саны 171 653 сәбиді, ал қыздар 161 458 баланы құрады. Сарапшылар сонымен қатар аналар мен әкелер сәбилерге таңдаған 2022 жылғы ең танымал есімдерді жариялады. Көбінесе қазақстандықтар ұлдарына Әлихан, Айсұлтан, Алдияр, Омар, Әмір деп есім қояды екен. Ал қыздарға ең көп таңдалған есімдердің қатарында: Медина, Айша, Айлин, Асылым және Томирис аттары бар.
Әлихан
Араб-түркі түбірлері мен бірнеше мағынасы бар атау. Бір нұсқа бойынша Әлихан есімі «Құдайдың арыстаны» деп аударылады. Ал аударманың екінші нұсқасы «ұлы хан» немесе «құдай әміршісі» дегенді білдіреді. Мұндай есімді бала болашақта өзіне сенімді, табанды және көпшіл адам болады.
Айсұлтан
«Ай» – ай және «Сұлтан» – билеуші деген екі сөздің бірігуінен құралған қазақ есімі. Айсұлтан есімді ерлердің түйсігі, сезімталдығы дамыған, жанжалға бейім емес адамдар.
Алдияр
Қазақ елінің есімі, осы ат қойылған адамдар қаржылық табысы мол, жігерлі, амбициялы болып келеді. Сонымен қатар, олар табиғи көшбасшылар және адал, мінсіз, еңбекқор және ақылды тұлғалар.
Омар
Әдетте ата-аналар бірінші мұрагеріне Омар есімін қояды. Араб елінің есімі, аудармада «өркендеген», «жетілген», «өмірге құштар», «қажырлы» дегенді білдіреді. Бұл есімге ие адам тұрақты, өзіне сенімді және қиялы кең болып келеді.
Әмір
Көп ұлтты және көптілді есім. Араб тілінен аударғанда «қожа», «ханзада», «көсем», «басшы», «тірі», «гүлдейтін» деген мағынаны білдіреді. Бұл атау басқаша дыбысталуы мүмкін: Эмир, Эмре. Әмір – тәуелсіз, күшті және белсенді адам деген мағына береді.
Медина
«Медина» араб тілінен аударғанда «қала» деген мағынаны білдіреді. Сонымен қатар, бұл Меккеден кейінгі мұсылмандар үшін маңыздылығы жағынан екінші қаланың атауы. Бұл есімге ие қыздар жомарт, тәуелсіз, және өміріндегі әрбір қадамды мұқият басатын жандар болып келеді.
Айша
Бұл есім араб тілінен шыққан және «өмір», «тірі» немесе «өмірге толы» дегенді білдіреді. Мұхаммед пайғамбардың үшінші және ең сүйікті әйелінің есімі Айша болған. Олар өте романтикалық, жұмсақ және нәзік жандар болып келеді.
Айлин
Айлин есімінің шығу тегі мен мағынасының әртүрлі нұсқалары бар. Түркі және ирланд-шотланд тамыры бар бұл атау «ай сәулесі», «ай шуағы», «шабыттанған сәуле» деп аударылады. Ақылды және тапқыр қыздардың есімі еуропалықтар, ирландтар мен шотландтар арасында танымал.
Асылым
Араб тілінен аударғанда «жауһар», «танымал» деген мағына берсе, қазақ тілінен аударғанда «асыл», «қымбат», «таза текті» дегенді білдіреді. Бұл есімді қыздардың бойында байқағыштық, адамгершілік, шамадан тыс еңбекқорлық және ізгілік сияқты мінез-құлық қасиеттері бар.
Томирис
Түркі тамыры бар есім. Бірінші нұсқа бойынша бұл атау түркі тілінде "temir" дегенді білдіретін «темір» сөзінен шыққан. Біздің эрамызға дейінгі 570-520 жылдардағы массагеттер тайпасының патшайымының есімі Томирис болған. Томирис есімінің иелері күшті, тәуелсіз және өмірдегі өзгерістерді жақсы көретін жандар болып келеді.
