Тараз дүкендерінің бірінен қауіптілігі жоғары балалар ойыншығы сатып алынды
Сурет: Жанна Биятан
Ведомство, сатушы тауардың сәйкестігі туралы куәлік ұсынбағанын атап өтті.
Бұл тауар ынтымақтастық туралы шарт негізінде ҚР Денсаулық сақтау министрлігі Санитарлық-эпидемиологиялық бақылау комитеті Жамбыл облысы бойынша "Ұлттық сараптама орталығы" ШЖҚ РМК филиалының аккредиттелген санитарлық-гигиеналық зертханасына кешенді зерттеуге тапсырылды.
"Дұрыс таңдалған ойыншық баланың жас ерекшелігі мен сұранысына байланысты қауіпсіз болуы керек, оның қызығушылығы мен белсенді дамуын ынталандыруы қажет, қоршаған әлемді тануға көмектесуі тиіс, ақыл-ой, есте сақтау, сөйлеу, эмоциялардың дамуына ықпал етуі керек... Ал ойыншықтарды таңдау жауапкершілігі толығымен ата-аналарға жүктеледі. Соңғы жылдары ата-аналар балалары үшін сатып алатын тауарлардың қауіпсіздігіне бас ауырта бастады, соңғы фактордың пайдасына баға мен сапаны таңдады. Алайда, қымбат ойыншықтарды бәрі бірдей ала бермейді, өкінішке қарай, көптеген ата-аналар "ойнайды да, лақтырады" қағидаты бойынша арзан ойыншықтарды таңдайды, сондықтан балалардың денсаулығы мен қауіпсіздігіне қауіп төндіретін күмәнді құрамы бар, ең төменгі сападағы өнімдер біздің балаларымыздың қолына түседі. Жасыратыны жоқ, Қазақстанға әкелінетін балалар ойыншықтарының үлкен партиялары – импорттық өндіріс, оның ішінде, әсіресе, Қытайдан келеді. Ел нарықтарында контрафактілік тауарларды анықтау бойынша бірнеше рет рейдтер жүргізілді, өнімдер сатылымнан алынып тасталды және олардың құрамында зиянды заттардың (ацетон, формальдегидтер және фенол) көп мөлшерде бар екенін көрсететін сараптамалар жүргізілді. Мұндай өнімдер балалар үшін ғана емес, ересектер үшін де қауіпті деп танылды". Жанна Биятан
Хаттама деректеріне сәйкес, Кеден одағының "Ойыншықтардың қауіпсіздігі туралы" техникалық регламентінің (КО ТР 008/2011) нормативтік құжаттамасына сәйкес бұзушылықтар анықталды, онда мынадай мәліметтер көрсетілмеген:
- ойыншық жасалған ел;
- дайындаушының, импорттаушының атауы және орналасқан жері, олармен байланысу ақпараты;
- қай жастағы балаға арналғаны туралы ақпарат немесе баланың жасын көрсететін пиктограмма; шығарылған күні;
- Кеден одағына мүше мемлекеттер нарығында өнім айналымының бірыңғай белгісі жоқ;
- мемлекеттік және орыс тілдеріндегі ақпарат жоқ.
Таңбалау талаптарын бұзу тұтынушыларды өнім жайында дұрыс хабар беруде үлкен кедергі болып табылады. Бұдан басқа, сатушы мемлекеттік және орыс тілдерінде тұтынушыға ұсынбаған ақпарат "ҚазақстанРеспубликасындағы тіл туралы" заңның 21-бабын бұзу болып табылады.
"Ойыншықтың толық таңбалануының болмауына байланысты балаларға арналған осындай тауарлардың қауіпсіздігіне қатысты зерттерулердің барлық спектрін жүргізуге мүмкіндік жоқ. Өндіріс технологиясын сақтамау, санитарлық-гигиеналық ережелерді бұзу, орынсыз сақтау баланың өмірі мен денсаулығына өте зиян әрі қауіпті. Олар жұқпалы аурулардың тасымалдаушысына айналады, кейбір факторлар патогендік және оппортунистік микроорганизмдердің айтарлықтай кең жайылуына әкелуі мүмкін, бұл тамақ инфекциялары мен уланудың пайда болуына ықпал етеді".Тұтынушылардың құқықтарын қорғау жөніндегі сарапшы Жанна Биятан
Ведомство бір қарағанда, балалар ойыншығы сияқты болғанымен, бизнес – балалардікі емес, ақша ағыны – "ересектердікі". Сертификатталмаған, контрафактілік тауарлар ел экономикасына нұқсан келтіріп қана қоймай, әсіресе тұтынушылардың денсаулығы мен өміріне аса қауіп төндіретіндігін баса айтты.
"Тұтынушы тауарлардың заңдылығын тексере отырып, тек фискалдық, кассалық немесе тауарлық чекті ғана емес, сонымен қатар өнімнің сәйкестігі туралы сертификатты/декларацияны талап етуге құқылы". Тұтынушылардың құқықтарын қорғау жөніндегі сарапшы Жанна Биятан
Тұтынушыларға өнімнің сәйкестігі туралы декларацияның бар-жоғын өз бетінше қарау үшін ЕАЭО берілген сәйкестік сертификаттарының және тіркелген сәйкестік туралы декларациялардың бірыңғай тізілімі сайты, сондай-ақ қазақстандық сайты қолжетімді.
Зерттеу материалдары мен олардың нәтижелері жауапты тұлғаларды ҚР қолданыстағы заңнамасында көзделген жауапкершілікке тарту, шешім қабылдау үшін тиісті органдарға жіберілетін болады.
Тауарлардың (жұмыстардың, көрсетілетін қызметтердің) сапасына қатысты жүргізілген зерттеулердің нәтижелері туралы Маңғыстау облыстық тұтынушылардың құқықтарын қорғау қоғамы таратқан ақпараттар жарнама болып табылмайды және тұтынушылардың құқықтары мен заңды мүдделерін іске асыруға ықпал етеді. Осыған ұқсас сұрақтар бойынша байланыс нөмірі 87054222739 немесе Instagram парақшасы.
