Түркістанда Жібек жолы бойында тұтынушылар құқықтарын қорғаушылар қызық "олжаға" тап болды
Сурет: Zakon.kz
"Ұлттық сараптау және сертификаттау орталығы" АҚ ЮКФ "Buldak Hot Chiken Samyang Korea" корей өніміне жүргізген зерттеулерінде кейбір сәйкессіздіктерді анықталды:
- Тауар атауы;
- Өнімнің құрамы;
- Тамақ өнімдерін сақтау шарттары;
- Өндірушінің атауы және орналасқан жері;
- Тағамдық құндылық көрсеткіштері;
- Өнім лайықталып дайындалған құжат туралы мәліметтер қазақ тілінде көрсетілмеген.
Хаттамада қаптамадағы тамақ өнімдерінің таңбаламасы орыс тілінде және мемлекеттік тілде болуы керектігі белгіленген.
Сондай-ақ пестицидтердің қалдықтары жоқ екені анықталды. Микробиологиялық көрсеткіштер, ашытқы және зең қалыпты шектерде болды.
"Берілген сәйкестік сертификаттарының және тіркелген сәйкестік декларацияларының бірыңғай тізіліміндегі деректер базасындағы, сондай-ақ қазақстандық сертификаттар мен декларациялар тізіліміндегі деректерге сәйкес, аталмыш өнімнің сәйкестік туралы декларациясын іздеу әрекеті сәтсіз аяқталды", – деді заңгер Жанна Биятан Үрметханқызы.
Кәсіпкерлер мен тұтынушылар сәйкестік туралы декларация өнімнің қауіпсіздік пен сапа стандарттарының талаптарына сәйкестігін растайтын техникалық регламенттің ресми құжаты екенін есте ұстауы керек.
Сурет: Жанна Биятан
Тамақ өнімдерінің барлық түрлерінің Қазақстан Республикасында сәйкестік туралы декларациялары болуы тиіс.
Сәйкестік туралы декларация ЕАЭО техникалық регламенттері ережелеріне сәйкес ресімделеді және ЕАЭО елдерінің аумағында қосымша рұқсаттарсыз заңды күші бар.
ЕАС декларациясын рәсімдегеннен кейін қазақстандық өндіруші немесе импорттаушы тауарларды тек Қазақстанда ғана емес, Ресейде, Белоруссияда, Қырғызстанда және Арменияда да сата алады.
Сәйкестік туралы декларацияны ресімдеу
Декларация рәсімі екі кезеңнен тұрады:
• зертханалық зерттеулер;
• тізілімде тіркелу.
Алдымен сынақтар жүргізіледі, содан кейін сынақ хаттамасы шығарылады. Декларацияны тіркеу үшін құжаттардың көшірмелері, өнім үлгілері және кәсіпорынның электронды қолтаңбасы қажет, содан соң ЕАС айналым белгісі тағайындалады.
Мұндай құжаттарсыз тауарды өткізу ҚР Әкімшілік құқықбұзушылық туралы кодексінің 203 және 425-баптарын қолдануға негіз бола алады, ал айыппұл мөлшері айтарлықтай жоғары.
"Дұрыс таңбалама азаматтардың қауіпсіздігі мен денсаулығын қамтамасыз етуде үлкен рөл атқаратынын есте ұстаған жөн. Жауапты өндірушілер мен сатушылар өз өнімдері туралы ақпараттың толық және түсінікті болуы, ал тұтынушылардың қырағылық танытып, өз құқықтарын қорғауы үшін қолдан келгеннің бәрін жасауы қажет", деп толықтырды сөзінің соңында құқыққорғаушы-сарапшы Жанна Үрметханқызы.
Тұтынушыларға арналған жадынама
● Тұтынушы қаптамасындағы таңбаламаны мұқият зерттеуі қажет.
Буып-түйілген тамақ өнімдері таңбаламасында орыс және мемлекеттік тілдегі ақпараттар болуы тиіс.
- Азық-түлік өнімдерін сатып алғанда жарамдылық мерзімі мен сақтау шарттарына назар аударыңыз.
Біз келесі өнімдерді сатып алуды ұсынбаймыз:
- өнімде нашар сапа белгілері болса;
- өнімнің жарамдылық мерзімін анықтау мүмкін болмаса;
- тұтынушылық орам/қаптама зақымдалған болса;
- қаптамадағы ақпарат оқылмаса;
- тез бұзылатын өнімдер температуралық шарттарға сәйкес келмесе;
- өнімдерді сақтау температурасы өндіруші жапсырмада көрсеткен температурадан ерекшеленсе.
● Өнімді сатып алу фактісін растайтын фискалды немесе сату түбіртегін сұраңыз.
Фискалды чекті төлем чегінен қалай ажыратуға болады?
Фискалдық чектің негізгі ерекшеліктерінің бірі – тұтынушы сканерлеуге және түбіртектің түпнұсқалығын тексеруге болатын бақылау-кассалық чек туралы кодталған ақпаратты қамтитын штрих-код.
Фискалдық түбіртек қағаз немесе электронды түрде болуы мүмкін және сатып алушының электрондық поштасына немесе ұялы телефонына QR коды түрінде жіберілуі мүмкін.
Түбіртектерді қараңғы және құрғақ жерде сақтауды және оларды бетпе-бет қоймауды ұсынамыз. Ал түбіртектерді сақтаудың ең жақсы жолы – түбіртектерді суретке түсіріп, телефоныңызда бөлек файлда сақтау.
Фискалдық түбіртекті талап етіңіз:
- біріншіден, біз өз құқықтарымызды сақтаймыз және тауарларды оңай ауыстыра немесе қайтара аламыз:
- екіншіден, сапасыз және қауіпті өнімді пайдаланғанымызды дәлелдей аламыз;
- үшіншіден, біз еліміздің экономикасын жақсартуға көмектесеміз және сатушы кірісінің бір бөлігінен алынған қаражатты әртүрлі әлеуметтік бағдарламаларға бағыттай аламыз.
Егер сіз осындай бұзушылықтары бар өнімді сатып алсаңыз, 87054222739 байланыс нөміріне немесе Instagram-дағы OZPP.KZ парақшасына хабарласуға болады.
