Қазақстан білім бойынша рейтингте 78 елдің қатарында 71-орында
Сурет: pixabay
US News & World Report жариялаған білім беру саласындағы ең үздік елдер рейтингінде Қазақстан 78 елдің ішінде 71-орынға тұрақтады.
Рейтингтің қазіргі көшбасшылары — АҚШ, Ұлыбритания және Германия. Ең соңғы орын Гватемалада.
Қазақстан рейтингке қатысушы ТМД елдерінің арасында Өзбекстанды ғана басып озды. Өзбекстан 72-орында тұр. Қазақстаннан жоғары орналасқан елдер арасында Ресей, Украина, Беларусь және Әзірбайжан бар.
2021 жылғы білім берудегі ең жақсы елдер рейтингі сауалнамаға негізделген. Бұл рейтінгті анықтауда жақсы дамыған мемлекеттік білім беру жүйесінің болуы ескеріледі. Сонымен қатар адамдар сапалы білімі болса, сол елдің университетіне түсуді ойлай ма, жоқ па, сол жағы да қарастырылады.
Федералды және орталықтандырылмаған білім беру жүйелері бірінші орынға, яғни алғашқы бестікке ілініп отыр.
