Оқу-ағарту министрлігі Абай облысында эвакуацияланған балалардың жағдайынан хабардар етті

"Семей орманы" резерваты, орман, өрт, Оқу-ағарту министрлігі, сурет - Zakon.kz жаңалық 12.06.2023 16:49

Сурет: pixabay

Қазақстанның оқу-ағарту министрі Қани Бейсембаев Facebook-тегі парақшасында балалардың құқығын қорғау мен қауіпсіздігін қамтамасыз ету Министрліктің бақылауында екенін атап өтті, деп хабарлайды Zakon.kz.

Министрдің жазуынша, қауіпсіз аймаққа эвакуацияланған тұрғындардың арасында 64 бала бар. Олар отбасымен бірге Семей қаласындағы екі колледж ғимаратына орналастырылған.

"Эвакуацияланған 9,11 сынып түлектерінің қорытынды емтиханды кедергісіз тапсыруы үшін барлық жағдай жасалуда – мектеп бітіру емтихандары Семей қаласында ұйымдастырылады", – деп жазды Министр.

Сонымен қатар Балалардың құқықтарын қорғау комитеті төрағасына асыраушысынан айырылған отбасылармен жеке кездесіп, балалардың психологиялық кеңес алуына, жазғы сауықтыру лагерлерінде демалуына барлық жағдайларды ұйымдастыру тапсырғанын мәлімдеді.

"Апат салдарынан асыраушысынан айырылған отбасы балалары жаңа оқу жылында білім алуын еш кедергісіз жалғастыруы үшін мектеп формасымен, қажетті оқу құралдарымен және ыстық тамақпен қамтылады".Ғани Бейсембаев

Ал жаңа тағайындалған ТЖМ басшысы өрт шарпыған Абай облысында қандай жұмыстар жүргізіліп жатқанын айтты.

Оқи отырыңыз