Жемқорлардан тәркіленген мүлік енді қазақстандықтардың қажетіне бағытталуы мүмкін

Жемқорлардан тәркіленген мүлік енді қазақстандықтардың қажетіне бақытталуы мүмкін, сурет - Zakon.kz жаңалық 02.03.2023 12:56

Сурет: unsplash

2 наурызда ҚР парламенті сенатының отырысында премьер-министрдің орынбасары – Қаржы министрі Ерұлан Жамаубаев тәркіленген мүлікті сату қағидаларына өзгеріс енгізіп, оны мемлекеттік органдарға ғана емес, қазақстандықтардың қажетіне де бағыттай алатынын айтты, деп хабарлайды Zakon.kz.

Ерұлан Жамаубаевқа журналистер "Жемқор шенеуніктерден тәркіленген мүлік неге мемлекет пайдасына ғана бағытталып жатыр? Оны сатып, қазақстандықтардың қажетіне қаражат беру оңай емес пе еді?" деген сұрақ қойылды.

Баспасөз өкілдері мысал ретінде тәркіленген Lexus автокөлігінің аукцион арқылы Бас прокуратураға тапсырылғанын, ал жақында Алматы қаласының Мемлекеттік мүлік және жекешелендіру департаменті электрон мемлекеттік сатып алулар сайты арқылы Hublot маркалы люкс сағаттарын көрмеге қойғанын айтты.

Министр әзірше жемқор шенеуніктерден тәркіленген мүлікті тек мемлекет пайдасына беру ғана қамтылғанын, бірақ бұл ережелерді қайта қарау жоспарланып отырғанын айтты.

"Талқылаймыз. Қандай да бір өзгерістер бола ма, жоқ па, сонда көреміз".Ерұлан Жамаубаев

Бұл ретте «Лексус» көлігіне қатысты ол «тиісті мемлекеттік мүлік комитетіне жекешелендіруді қарауды» тапсырғанын атап өтті.

Жемқор шенеуніктерден тәркіленген қаржыға келсек: былтыр олар қазақстандықтардың мұқтаждығына аударылған. Күзден бері арнайы есепшот жұмыс істеп, бүгінде ол бойынша жемқорлардан тәркіленген 120 миллиард теңге бар. Бұл қаражат мектептерді жөндеуге жұмсалады.

Бұған дейін БАҚ-та 50,5 миллион теңгеге сатып алынған Лексустың тәркіленгені хабарланған еді. Ол медицина құрал-жабдықтарын сатып алу кезінде ұрланған ақшаға алынған. Көлік бюджет шығынын өтеу үшін сатылады деп жоспарланды. Бірақ ол Бас прокуратураның балансына берілді.

Оқи отырыңыз