Қасым-Жомарт Тоқаев ел Конституциясына өзгерістер енгізу туралы референдумда дауыс берді

Сурет: Zakon.kz

Қазақстан президенті Қасым-Жомарт Тоқаев ел Конституциясына өзгерістер мен толықтырулар енгізу туралы референдумда дауыс берді, деп хабарлайды Zakon.kz.

Мемлекет басшысы елордадағы Оқушылар сарайында орналасқан No59 сайлау учаскесінде дауыс берді.

Еске сала кетейік, Мемлекет басшысы Қасым-Жомарт Тоқаев 5 мамырда еліміздің Негізгі заңына өзгерістер енгізу бойынша референдум өткізу туралы жарлыққа қол қойған болатын.

Қазақстандықтар түзетулерге «мақұл» немесе «қарсы» дауыс береді.

Референдумда 11,7 миллионнан астам Қазақстан азаматы дауыс бере алады.

Қазақстанда барлығы 10 мыңнан астам референдум өткізу орны құрылған.

Шетелде 65 сайлау учаскесі әлемнің 52 елінде ашылады.

Референдумға тізімдерге енгізілген азаматтардың жартысынан көбі қатысса, референдум өтті деп танылады.

Қазақстандықтар референдумда не үшін дауыс береді – Конституцияға өзгерістер енгізу.

Референдум өткізуге 16,4 млрд теңге бөлінді.

Оқи отырыңыз