Қазақстанның 12 өңірінде Конституцияға өзгерістер енгізуге дауыс беру аяқталды

Сурет: Zakon.kz

Референдум бойынша Орталық комиссияның хатшысы Мұхтар Ерман ведомствода өткен брифингте Конституцияға өзгерістер мен толықтырулар енгізу бойынша референдумға сайлаушылардың 67,65 пайыздан, яғни 7,9 миллионнан астамы қатысқанын айтты, деп хабарлайды Zakon.kz тілшісі.

Референдумның орталық комиссиясына облыстардың, республикалық маңызы бар қалалардың және астананың аумақтық комиссияларынан ұсынылған мәліметтерге сәйкес, 20:00-дегі жағдай бойынша тізімге енгізілген жалпы азаматтардың 67,65 пайызы немесе 7,9 миллионнан астамы дауыс берді. Еліміздің 12 облысы мен 12 шетелдік сайлау учаскесінде дауыс беру аяқталды. Орталық референдум комиссиясының хатшысы Мұхтар Ерман

Өңірлер бойынша сағат 20:00-дегі сайлаушылардың қатысу көрсеткіші мынандай:

Ақмола облысы – 73,81%;

Ақтөбе облысы – 55,9%;

Алматы облысы – 72,83%;

Атырау облысы – 62,45%;

Батыс Қазақстан облысы – 65,49%;

Жамбыл облысы – 69,59%;

Қарағанды облысы – 77,39%;

Қостанай облысы – 72,28%;

Қызылорда облысы – 75,02%;

Маңғыстау облысы – 59,14%;

Павлодар облысы – 75,53%;