Есмағамбетова: «Сары» аймақ – қандай да бір шектеулер енгізуге негіз емес

Сурет: Zakon.kz

Денсаулық сақтау вице-министрі-Қазақстанның бас санитарлық дәрігері Айжан Есмағамбетова Zakon.kz-ға Қазақстанда қандай жағдайларда карантиндік шектеулер енгізілуі мүмкін екенін айтты.

Есмағамбетова қолданыстағы құжаттарға қарасақ, КВИ бойынша эпидемиологиялық жағдайды бағалау матрицасына сәйкес "жасыл" немесе "сары" аймақтарда шектеулер қолданылмайтынын еске салды.

"Қызыл" аймақтар қатары көбейе бастағанда шектеулер енгізіледі. Бұл - бүгінгі жағдай. Әрине, біз эпиджағдайды қадағалап отыратын боламыз. Шектеу қашан енгізіледі дейсіз бе? Шамадан тыс жүктеме түскен кезде, яғни біз жоспарлы медициналық көмек пен шұғыл медициналық көмекке зиян тиюіне жол бермеуіміз керек. Осыған сәйкес, біз байқап көреміз, денсаулық жүйесіне тым артық жүктеме түсіп жатса, онда мүмкін, қандай да бір шектеу шараларына ораламыз. Бірақ қазір мұндайға жол жоқ. Айжан Есмағамбетова

Сонымен қатар, ол Қазақстан коронавирус бойынша "жасыл" аймақта қалып отырғанын атап өтті.