Шымкентте неке қидыратындар азайған

үйлену, сурет - Zakon.kz жаңалық 27.01.2023 23:16

Cурет: pixabay

Шымкентте ажырасу фактісі жиіледі. Бұл туралы қалалық азаматтық істер жөніндегі сот алқасы мәлімдеді, деп хабарлайды Zakon.kz.

Otyrar.kz-тің хабарлауынша, тұрғындар судьяның қызметіне мүлкін бөлу немесе ажырасқан соң балаларының кімде қалатынын анықтау үшін жүгінеді.

"Неке және отбасы қатынастарынан байланысты туындайтын даулар 695-ке немесе 10,2%-ға артып отыр. 6 800 іс тіркелсе, оның 4 781 арызы немесе 70,3%-ы неке бұзуға байланысты дау болған . Өкінішке қарай, бізде неке бұзу бойынша көрсеткіш азаймай тұр".Шымкент сотының азаматтық істер жөніндегі сот алқасының төрағасы Мұхтар Пәрменов

Шымкентте сотқа жүгінбей-ақ, ажырасқандар саны 3% азайған. Бұл - неке бұзудың ең оңай жолы. Ол үшін электон үкімет порталында өтініш қалдырса, қалған процесс онлайн болады.

"2021 жылдың қаңтар-қараша айларында ажырасу саны 667 болса, 2022 жылдың қаңтар-қараша айларында 647 жұп некесін бұзған. Біздің қаламыз неке қию бойынша елімізде 7-орында, ал ажырасу бойынша 10-орында тұр".Шымкент қалалық статистика департаментінің бас маманы Салтанат Имашева

Ал Шымкентте отбасын құруға өтініш тастаушылар саны азайған. Былтыр 6 600-ден астам жұп неке қидырды. Бұл 2021 жылмен салыстырғанда 7,5%-ға аз.

Оқи отырыңыз