Астанада жүзден астам шетелдік автокөлік иесі наразылыққа шықты

көлік, сурет - Zakon.kz жаңалық 20.02.2023 22:22

Сурет: astanatv.kz

Астанада жүзден астам шетелдік автокөлік иесі бүгін мамандандырылған халыққа қызмет көрсету орталығына барып, шағымданды, деп хабарлайды Zakon.kz.

"Астана" телеарнасының хабарлауынша, олар оң жақ тізгінді және конструктор көліктерді не себепті тіркеуге келмейтінін білгісі келген.

"Біздің талабымыз - конструктор немесе ауада тұрған көліктерді заңдастырудың қалай жүзеге асатынына жауап алу. Біз қай тәртіппен жалпы қашан заңдастыраны жайлы нақты білгіміз келеді. Не кеден бойынша келмейді, не ол басқа елде есепте тұр. Тәртібі бойынша үш түрлі кезеңнен өтіп, төртіншіге келгенде өтпей қалып жатыр. Он бес минут күтудің де қажеті жоқ, бәрін толығымен толтырып жүктейсіз, жеке кабинетіңізге кірсеңіз қабылданбады деп тұрады. Тіпті қарастыруға да келмейді". Автокөлік иесі Данил Куропятников

Автокөлік иелерінің шағымдары бойынша заңдастырудың басты мәселесі - көлікті шетелдік есептен шығару. Бәрінің басқа елге бару мүмкіндігі бола бермейтіні анық. Сол себепті жүргізушілер мұны қашықтан жасауға мүмкіндік беруін сұрайды. Ал жауаптылар мұндай мүмкіндік жоқ деп отыр. Десе де, оң жақ рульді көліктер мен конструкторлар мәселесін шешуге уәде берді.

"Үкімет мәселені шешу үшін барынша шаралар қабылдауда. Әр елмен сұрақ екі жақты шешілуі тиіс. Яғни, біздің ұсыныстарымыз бір жерде қабылданса, бір жерде қабылданбай қалуы мүмкін. Алайда бұл үкіметтің мәселесі. Конструктор көліктеріне қатысты заңнаманы өзгерту үшін бір жарым ай қажет. Бұл ұзаққа созылмайды, тек бәрімен келісім жасалу керек".Астан полиция департаменті әкімшілік полиция басқармасының бастығы Елжан Чупеков

Оқи отырыңыз